日本九州直送刺身拼盤+海膽+水果 下文
原先我真係當自己唔好彩，唔知係日本嘅貨低質定係香港...

日本九州直送刺身拼盤+海膽+水果 下文
原先我真係當自己唔好彩，唔知係日本嘅貨低質定係香港物流出現問題會搞到d貨咁，我出post係想比大家提防一下以免再有人中招，但很多讀者及朋友化身福爾摩斯😂幫我還原真相，結果個真相真係令我好驚.......嚇🌚

我係6月14日訂貨及比錢，送貨日定係父親節6月20日，店家係講明佢地逢星期五六日係日本返貨而且即日送到屋企，咁我呢批貨店家係Whatsapp都再一次講係20號凌晨由日本福岡上機，20號朝早到香港再送去我屋企，真真正正日本直送我都無懷疑，當然我一收到貨見到盒海膽咁樣我絕對唔認為凌晨上機到朝早可以有呢個效果，朋友有懷疑就幫我查航班，結果一睇🙄🙄🙄🙄班機係6月17日已經到港，並唔係店家講嘅20號凌晨機，足足擺咗3日先比我食，究竟擺咗係咩地方、擺係邊真無從得知，但擺咗3日先比我食係事實，再者唔止係刺身出事連生果都出事，我個女當晚咩都無食淨係食咗一片熊本蜜瓜，當晚凌晨開始噴射式嘔吐，嘔咗三次到凌晨5點先停，到朝早10:30就高燒不退，所以就立即入院，醫生都檢查話係腸胃炎，原先我都唔肯定嘔係咪關個蜜瓜事，但朋友同我講批貨一早到咗擺咗3日先比我，蜜瓜唔焗得唔曬得，加上我一切開見到過熟，過熟嘅生果好易有菌，所以同時間兩母女腸胃炎唔係巧合。

對於店家嘅誠信我真係覺得好有問題，所以最後我要求退款，食物變壞、過期、擺咗3日先送去客手上，退款合情合理，而且公開係唔想有媽媽唔小心買咗佢嘅生果出事，無嘢肉赤得過小朋友病。

呢件事我係ig有公佈，但Facebook呢邊嘅讀者未知，所以再出post叫大家提防

---